Leſcha leſch v̾ſchamtú welt din laſt̾ rúchet doꝛt·
vſ diner heime ī gaſteſ 338r ǒgen·
din nahtgeberg· der tag ving̾zeiget·
nv ſuͤne ſuͤne bekere dich flúch vf ein ander oꝛt·
e· dich dú nacht dem tage vnreine der toꝛen troſt din ere veiget·
ir miete varwes lob dich trúgeliche ſchoͤnet·
ſwie dich paiat vſ veilem mv̄de habe gekroͤnet·
doh runet meiſt̾ erneſt din ſchame tvnkel varwen winkel werg·
ſin ſpehe wachet dir zeſchaden·
ſin ǒgen dúrkelnt din geberg·
dv ganzer valſch begrifet er dich voꝛ gerihte ſo wirſt dv gehoͤnet·
Dv́ mīne mag ſich niht erw̾n mā trage ir bilde wol·
mit glichſcheit vn̄ ǒch mit geb̾den· liht an der ſtat da es ir v̾ſmahet·
ſich pinet manig̾ durh dv́ wib valſchlicher danne er ſol·
da iſt dv́ mīne ſvnder ſchulde· ſi iſt doꝛt ſo er ſich hie v̾gahet·
ſi leret niht ir frúnde ruͤmeliches trúten·
ir viende ſúre kan ich ú vil wol betúten ſi nimet ein tv̄be ruͤmig mā vſ lerem mv̊te ī vollen mv̄t·
vn̄ nietet ſich mit rede ir namē ir ſchůl iſt im niht hoher kvnt·
ir wafentrager die ſint ſenftes mv̊tes vnruͤmig bi dē lútē·