Laſſen wir die blůmē rot beliben·
die ſint v̾doꝛbē des iſt niht zelāg·
ſingē vō den mīneklichē wiben·
nah einer ie min ſendes h̾ze rang·
dú ſol ſich bedenkē bas·
in ir h̾zē iſt dú liebe mir gehas·
dc wēde vꝛowe ich diene dir iem̾ deſte bas·
Ich hoͤꝛe ſagē im ſi wol zemv̊te·
d̾ tǒgēlich̾ mīne enpflege·
der ſol ſich nv warnē gegē d̾ hůte·
ich han bi liebe nie gelegē·
da vō enrůche ich wēne es tagt·
minē mv̊t ich wēdē mv̊s vō einer magt·
ia enrůche ich wc d̾ waht̾ an der zinne ſagt·
Liebes lieb gedēke an wiblich ere·
vn̄ wēde mir min vngemach·
des han ich vō tage ze tage ie mere·
ſit ich dich vꝛowe alrerſt an ſach·
din vil roſe varwer mvnt·
d̾ hat ī dc h̾ze ſere mich v̾wūt·
dc wēde frowe ald̾ ich bin iemer vngeſvnt·