Kvnde ich d̾ w̾den w̾dekeit·
gewirdē nah der wirde als ichs erkēne·
dc w̾e ir tvſentvalt bereit·
enpfunde ich ir genaden […]
gewalt d̾ ſol genedig ſin·
des hat ſo vil dú ſvͤze frowe mī·
wil ſi mir als vnz her v̾ſagē·
ich weis dc ich die ſw̾e niem̾ lange kan getragen·
Nv ſtet doch rehter gvͤte wol·
dc ſi dē gv̊ten frúnt niht lange beſwere·
ſit ich der zwiuel lazē ſol·
ſo laſſe ǒch ſi dú zwiuellichē m̾e·
dc ich ſo dike vnliebe ſpúr·
des wc ich nach an allē minē froͤiden fúr·
wā dc mich der gedinge lat·
dc ſeltē vō gv̊tē iht wā gv̊tes gat·