Komen sint die liehten tage lange·
also sint dú vogelin mit gesange·
die habent ein núwes fvnden·
des si nie vor mangen stunden
bas begvnden·
Die den winder sendes herzen waren·
den gestv̊nt der mv̊t bi drîssec iaren·
nie ringer danne húre·
megde ir nemt des meien stúre·
zǒgt ǒch úwer·
Kint lant ú den reien wol enplanden·
der loͤse úwer herze vs senden banden·
mit snellen sprúngen ringen·
ich hoͤre aber dú vogelin singen·
walt erklingen·
Siben botten ich heim zelande sende·
alles min truren dc sol haben ende·
wir nahen zv̊ dem rine·
gerne sehe ich frúnde mine·
Botte dv sage den kinden vf der strasse·
dc si niht enzúrnen vs der mâsse·
wir svln den reien breun·
dar nach si vinger keun·
an den treun·