Ich wil wúnſchen der vil gv̊ten·
dc ſi lange mvͤſſe leben·
des wil ich ze gotte mv̊ten·
ſo hat er mir wol gegeben·
ſi iſt mins h̾zē oſtertag·
ane die vil mīnenklichē·
niemā mich getroͤſten mag·
Schone wert gar mīnenklich·
ſo iſt dú liebe frǒwe min·
ſi iſt ſo gar dir eren rich·
dc ſi ſelig mvͤſſe ſin·
vn̄ iſt ganzer tvgendē vol·
nieman kan ſich ir gelichē
der ich iemer dienen ſol·
Wenne ſol der tag erſchinē·
dc ich die vil lieben ſehe·
wunnēklichē vnder mīnen·
armē vn̄ dc ſi v̾iehe·
dc ſi mir genedig ſi·
fro minne ir ſult ſis twingen
ſînt ir ſtetekliche bi·