Ich weis wol dc des kargen mv̊t·
ǒch eren gert besvnder·
vnd ist so zehe doch darvnder·
dc er niht getar·
dvrh si werden miltevar·
swa man ir lop mit gabe vs grebt·
moͤhte er si kǒfen ane gv̊t·
er wolte ir haben wunder·
vnd were dar vf gerne mvnder·
dc si im wurde gar·
nein er mv̊s ir wesen bar·
sit er niht gebender tvgende entsebt·
swer gewinnen ere·
sere· lobelichen sol·
der mv̊s lan der milte zol·
vrilich vs sinen handen·
da von enbirt ir in den landen·
manic herre wol·
vnd wirt doch zornes vol·
so man sin laster im vf hebt·