Ich weis wol dc des kargē mv̊t·
ǒch eren gert beſvnder·
vn̄ iſt ſo zehe doch darvnder·
dc er niht getar·
dvrh ſi w̾dē miltevar·
ſwa man ir lop mit gabe vs grebt·
moͤhte er ſi kǒfen ane gv̊t·
er wolte ir habē wūder·
vn̄ w̾e dar vf gerne mvnder·
dc ſi im wurde gar·
nein er mv̊s ir weſē bar·
ſit er niht gebend̾ tvgende entſebt·
ſwer gewīnen ere·
ſere· lobelichē ſol·
d̾ mv̊s lan der milte zol·
vꝛilich vs ſinen handē·
da vō enbirt ir in den landē·
manic h̾re wol·
vn̄ wirt doch zoꝛnes vol·
ſo man ſin laſter im vf hebt·