Ich ſv̊chte wiſer lúte rat·
dc ſi mich leren·
wie ich die behalde·
dú wandelb̾eſ niene begat·
vn̄ ie nach eren·
froͤiden pꝛis bezalde·
min heil in ir genadē ſtat·
ſi kan v̾triben
ſoꝛge der ich walde·
ir guͤte mich gehoͤhet hat·
dc ſi meren
nah ir eren manicvalde·
Ich hoꝛte wiſe lúte iehen·
eime wibe·
wūneklicher mere·
min ǒgē ſa begv̄den ſpehen·
ob an ir libe·
dú gefůge w̾e·
nv han ichs wol an ir geſehen·
ſi kā v̾triben ſenecliche ſw̾e·
vn̄ iſt mir ſo vō ir geſchehen·
dc ich belibe
fro des ich vnſanfte enbere·
Min lip in ein gemvͤte ſw̾t·
ſit er ſo ringēt·
dc ich behuͤte·
dc er iſt froͤiden vnbehert·
des er betwinget·
mich mit ſiner gvͤte·
an mir er niem̾ miſſevert·
wan dem gelinget·
ob vnſ niemer bôn gebluͤte·