Ich ſv̊chte gv̊ter frúnde rat·
der aller beſte hat mir noch geratē niht ze wol·
ia enweis ich war vmbe er das lat·
min h̾ze mein ich dc voꝛ allen frúndē ratē ſol·
es riet dien ſinnen das ſi mich·
v̾leitē vn̄ ſelbe ſich·
an ein vil tvgentriches wib·
dú iſt mir lieber danne ich ir darvmbe truret mir der lib·
Mir wont vil vngemaches bi·
min aller beſte froͤide lit ǒch an der gv̊tē 66r gar·
ſwie vngenedig ſi mir ſi·
ſo wil edoch dc herze min niender anders danne dar·
es hat mich gar dvr ſi v̾lan·
vn̄ wil ir weſen vndertan·
wie han ich ſvſ an im erzogen·
es tv̊t der tohter vil gelich dv́ liebe mv̊ter hat betrǒgen·