ICh mv̊s ane trost beliben·
dise lieben svmerzit·
dc klage ich den gůten wiben·
dc mir eine truren git·
der mvnt ist so rosen var·
vnd ir lib so wol gemachet
ir nême ein kv́nig mit eren war·
Froͤide vnd ere hohgemvͤte·
treit dú liebe frowe min·
da bi reine wibes guͤte·
vnde minneklichen schin·
vnd zwei liehten ǒgen clar·
wolten dú mich guͤtlich schowen
si schieden mich von sorgen gar·
Sit der kúnig niht wil erwinden·
er enschowe ir schonen lib·
so lâsse er sich also vinden·
dc er si vil selig wib·
schowe in selcher húbescheit·
dú mich vs der werlte triben
so belibe ich âne leit·