ICh mv̊s ane troſt belibē·
diſe liebē ſvm̾zit·
dc klage ich den gůtē wibē·
dc mir eine trurē git·
der mvnt iſt ſo roſen var·
vn̄ ir lib ſo wol gemachet
ir nême ein kv́nig mit eren war·
Froͤide vn̄ ere hohgemvͤte·
treit dú liebe frowe min·
da bi reine wibes guͤte·
vnde mīneklichē ſchin·
vn̄ zwei liehtē ǒgē clar·
woltē dú mich guͤtlich ſchowē
ſi ſchiedē mich vō ſoꝛgen gar·
Sit der kúnig niht wil erwindē·
er enſchowe ir ſchonē lib·
ſo lâſſe er ſich alſo vindē·
dc er ſi vil ſelig wib·
ſchowe in ſelch̾ húbeſcheit·
dú mich vs der werlte tribe
ſo belibe ich âne leit·