ICh můs von ſchulden ſin vnfro· ſit ſi iah do ich bi ir was·
ich moͤhte heiſſen eneas·
vn̄ ſolte aber des wol ſicher ſin ſi wurde niemer min tido·
wie ſpꝛach ſi do·
aleine froͤmdet mich ir lip·
ſi hat iedoch deſ h̾zen mich beroubet gar fúr ellú wib·
Mit gedanken mv̊s ich die zit v̾triben als ich beſte kan·
vn̄ lernē deſ ich nie began·
truren vn̄ ſoꝛgen pflegen des was vil vngewent min lip·
durh ellú wib·
wande ich niemer ſin bekomē·
in ſo rehte kvmberliche not als ich vō einer han genomen·
Min h̾ze mv̊s ir kluſe ſin al die wile ich habe den lip·
ſo mv̊ſſen iemer ellú wib·
vil vngedꝛungē dꝛvinne weſen· ſwie lihte ſi ſich getroͤſte min·
nv w̾de ſchin·
ob rehte ſtete iht mvge gefromen·
der wil ich iemer gegen ir pflegen dú iſt mir vō ir gvͤte komē·
Mich mvͤt dc ich der lieben bin ſo verre komē des mv̊ſ ich wunt·
belibē deſt mir vngeſvnt·
ǒch ſolte mich wol helfen dc dc ich ir ie was vndertan·
ſit ichs began·
ſo enkvnde ich nie dē ſteten mv̊t·
bewendē rehte gar vō ir wā ſi dc beſte gerne tůt·