Ich hoꝛte vf der heide·
lute ſtimme vn̄ ſvͤſſen ſanc·
da vō wart ich beide·
froͤidēn rich vn̄ an trurē kranc·
nach der min gedanc·
ſere ranc·
vn̄ ſwanc·
die vant ich ze tanzeſ da ſi ſanc·
ane leit ich do ſpꝛanc·
Ich vant ſi v̾boꝛgē·
eine vn̄ ir wengel 80r von trehen nas·
da ſi an dem moꝛgē·
mines todes ſich v̾mas·
der vil lieben has·
tůt mir bas·
danne dc·
do ich voꝛ ir kniewete da ſi ſas·
vn̄ ir ſoꝛgē v̾gas·
Ich vant ſi an der zinne·
eine vn̄ ich wc zv̊ zim geſant·
da mehte ichs ir mīne
wol mit fůge han gepfant·
do wande ich dú lant
han v̾bꝛant·
ſa zehant·
wā dc mich ir ſvͤſſen mīne bant·
an dien ſinnē hat erblant·