Ich hoꝛte ie ſagen dc lúte erſterbē·
ir ſi wunder die v̾derben·
die da mīnē al ze ſere·
got behvͤte mir lib vn̄ ere·
ich diene ir iemer ſwar ich kere·
nv iſt ſi mir ein teil ze here·
wil ſi dāne ein frowe ſin·
ia ſi weiſgot min·
Wer hat ir geſeit dú mere·
dc mir iemā lieber w̾e·
der mv̊ſſe als vn ſanfte ringē·
als ich tv̊ mit ſelkē dingen·
ſol mir an ir niht gelingē·
ſo mv̊ſ mich die ſoꝛge twingē·
we war vmbe ſpꝛiche ich dc·
tv̊t ſi we ſi tv̊t ǒch bas·
Mir wont eines an dem herzē·
da von lide ich ſenden ſmerzē·
dc dvr ſv̊chet mir die ſinne·
beide vſſerthalb vn̄ inne·
dc kvmt alles von der minne·
ǒwe dc ichs ie beginne·
toꝛe tv̊ dich flůchenſ abe·
ſelbe tete ſelbe habe·