Ich horte ie sagen dc lúte ersterben·
ir si wunder die verderben·
die da mīnen al ze sere·
got behvͤte mir lib vnd ere·
ich diene ir iemer swar ich kere·
nv ist si mir ein teil ze here·
wil si danne ein frowe sin·
ia si weisgot min·
Wer hat ir geseit dú mere·
dc mir ieman lieber were·
der mv̊sse als vn sanfte ringen·
als ich tv̊ mit selken dingen·
sol mir an ir niht gelingen·
so mv̊s mich die sorge twingen·
we war vmbe spriche ich dc·
tv̊t si we si tv̊t ǒch bas·
Mir wont eines an dem herzen·
da von lide ich senden smerzen·
dc dvr sv̊chet mir die sinne·
beide vsserthalb vnd inne·
dc kvmt alles von der minne·
ǒwe dc ichs ie beginne·
tore tv̊ dich flůchens abe·
selbe tete selbe habe·