Ich han ie gedaht wie ein wib weſen ſolte·
ſo dc ich mvͤſe wúnſchen ir libes vn̄ ir ſitte·
vn̄ I ich ſi danne mir ſelben haben wolte·
ſo dc ich mine wnne hete da mitte·
ſo weis ich ein wib alſo gar minneclich·
dc minem wnſche nie wib wart ſo gelich·
ſich hat got wol an ir ſchoͤne beweret·
ſwie ich doch ſi von ir minne vnſanfte erveret·
Jr lip vn̄ ir ere das iſt alles reine·
o we das ich ſi froͤmden mv̊s vn̄ ſol·
welt ir daſ min herze dc niht weine·
ſo man der gv̊ten gedenket alſo wol·
ſo kvme ich voꝛ liebe in ſo we tv̊nde not·
das man mich vil dike ſiht bleich vn̄ rot·
ſo dvnket mich wie ſi mir ſte voꝛ den ougen·
ſo ſúfte ich mit lachendem mvnde alſo tǒgen·