Ich bin keiſer ane krone·
ſvnd̾ lant daſ meinet mir der mv̊t·
der geſtůnt mir nie ſo ſchone·
danc ir liebes dv́ mir ſanfte tůt·
dc ſchafet mir ein frowe frůt·
dur die ſo wil ich ſtete ſin· wan in geſach nie wib ſo rehte gůt·
Gerne ſol ein riter ziehen·
ſich ze gůten wiben deſt min rat·
boͤſú wib die ſol man fliehen·
er iſt tvmb ſwer ſich an ſi v̾lat·
wan ſine gebent niht hohen mv̊t·
ie doch ſo weiſ ich einē man den ǒch die ſelben frowen dvnkēt gv̊t·
Mirſt dc herze woꝛden ſwere·
ſeht dc ſchafet mir ein ſende not·
ich bin woꝛden dem vnmere·
der mir dike ſinē dieneſt bot·
owe warvmbe tv̊t er das·
Vn̄ wil er ſichs erlǒben niht ſo mv̊s ich im vō ſchulden ſin gehas·