Iarlanc wil dú linde· vō winde· ſich velwē·
dú ſich voꝛ dem walde· ze balde· kan ſelwē·
trurē vf d̾ heide· mit leide· man vͤbet·
ſvs hat mir dú mīne· die ſinne· betruͤbet·
Mich hant ſende wūden· gebvndē· zeſoꝛgen·
die mv̊s ich vō ſchuldē· nv duldē· v̾boꝛgē·
dú mit ſpilndē ǒgen· vil tǒgen· mich ſeret·
dú hat min leit núwe· mit rúwe gemeret·
Genade frowe reine· dv meine· mich armē·
la dich minē ſmerzē· vō herzen· erbarmē·
min gemvͤte enbinde· geſwinde· vō leide·
vs der mīne fúre· din ſtúre mich ſcheide·