IArlanc wil dú linde·
velwen ſich geſwīde·
vō dem leiden kalten ſne·
meien īgeſinde·
durh die ſcharpfen winde·
truret iemerlich als ê·
da gevilde· wilde· ſtůnt geroͤſet·
da iſt froͤide eroͤſet·
vō dē ang̾ loͤſet·
rife blv̊mē vn̄ kle·
Sw̾ bi liebe lege·
liht er ſich bewege·
der vil ſchonen Svm̾zit·
ſpilnder froͤide er pflege·
wā ſin herze trege·
wurde vf vngemvͤte wit·
liebeſ kv́nne· wúnne· kan gemeren·
...
ob deſ meien eren·
d̾ vns liehte blv̊mē git·
Man ſol reine frowē·
fúr die blv̊men ſchǒwen·
ſit in wont vil tvgende bi·
Wie mag in den ǒwen·
iemer blv̊t betǒwen·
dú fúr trurē beſſer ſi·
ſendē manne· danne· wibeſ mīne·
ſi kan mit gewīne·
wūdes h̾zē ſinne·
machen aller ſoꝛgen fri·