IArlanc vf der heide bꝛeit·
valwēt liehte roſen rot·
das iſt manigē h̾zen leit·
dc dvrh mīne lidet not·
mānes ſinne· nah der mīne· deſte me·
trurēt da der kalte ſne·
velwet blv̊mē vn̄ kle·
Sendes h̾ze wirt ermāt·
h̾zeclich̾ vngehabe·
ſo der lindē ir gewant·
valwet vn̄ riſet abe·
ſende ſwere· ein ſendebere· vīden kan·
ſwēne enbloͤtzet ſich der tan·
vn̄ die winde ſtôſſent dꝛan·
IR vil reinē gv̊ten wib·
lant úch vindē alſo gůt·
dc ir ſtetē frúndes lib·
machet froͤiderichē mv̊t·
úwer guͤte· hohgemvͤte· bꝛingen ſol·
dē getrúwē māne wol·
der vil kvmb̾s vō iv dol·