Hete ich ſwas ich g̾ne hete

Hete ich ſwas ich g̾ne hete·
vn̄ were ǒch ſwa mich duhte gůt·
ſo wolde ich mit rehter ſtete·
iem̾ weſen hohgemv̊t·
ſeht der darbe ich beider·
nv vil lange leider·
dc iſt dc mir vnſanfte tůt·

Owe blv̊mē owe heide·
wie mich rúwet úwer vngemach·
owe liehter ǒgenweide·
d̾ ich eteſwēne wūder ſach·
die ſint nv gar zergangē·
mich mv̊ſ wol blangē·
dc mir nie lieb vō ir geſchach·