Heide mit kleide· zieret ſich gar ane we·
wūnen me·
bꝛīgen vns d̾ meie wil·
ſchoͤne· gedoͤne· ſingent vogellin als ê·
durh den kle·
dꝛinget liehter blůmē vil·
walt dar vnder· wund̾· lǒber an ſich leit·
dc gevilde· wilde· rote roſen treit·
die ſint maniges h̾zen ſpil·
Gruͤſſen· mit ſvͤſſen· doͤnē ſol man ab̾ die zit·
wan ſi git·
wūne vil an allē wanc·
mīne die ſinne· froͤit ſo dú heide wit·
ſchone lit·
wib nv machēt truren kranc·
ſendē māne· dāne· wibeſ mīne froͤide birt·
ſo der waſe· graſe· gruͤne tragende wirt·
blv̊mē rot gel vn̄ blanc·
Schowē· die frowen· ſol mā fúr die roſen rot·
ſende not·
buͤſſet reiner wibe lib·
ſtúre gehúre· wibes mīne ie manne gebot·
froͤide iſt tot·
ane mīneklichú wib·
dem niht ſchoͤne· loͤne· git der wibe troſt·
...
wib ſint mānes leit vertrib·