Gv̊t̾ waht̾ wis·
dv m̾ke wol die ſtūt·
ſo dú wolkē verwēt ſich·
vn̄ w̾dēt gris·
die zit tů mir kvnt·
ſpꝛach eī frowe mīneklich·
warne ob ich entſlafen bin·
ſo dc ritter voꝛ d̾ argē hv̊te kome hin·
kv́ſe dē moꝛgē ſt̾nen
ſang d̾ kleinē vogellin·
ich were g̾ne
langer hie deſ mag niht ſin·
er liebet wol dē h̾zē min·
Der wahter ſchiet·
obē vf die zīne dan·
do der tag dú wolkē ſpielt·
eī tage liet·
ī der wiſe vieng er an·
ſelde 350r ir beider maze wielt·
troie wart zerſtoͤret· ê
triſtran dē vō mīne dur yſaldē dike we·
noch hat mīne w̾dē
man· d̾ wirbet frowē grůs·
dē ſol er w̾dē
ob ich alſvſ wartē mv̊s·
es iſt voꝛ tage niht einē fůs·
Dú liebe entſlief·
wā ſi wc v̾mvͤdet ſo·
dc dú frowe zv̊ dē mā
ſich vmbe ſwief·
wachte da dú mīne do·
ſo kvmt d̾ ritter wol vō dan·
mīne lach vnmīne habe·
vn mīne entſlús dv mīne tů· dc ſlos mit fůgen abe·
dú zit meldet melde·
kvmt dú ſeltē ie gelag·
an mīnegelde·
hat vn mīne noch ir beiag·
nv wol vf ritter es iſt tag·