Gegen dem moꝛgen·
ſuͤſſe ein wahter lúte ſank·
do er ſach den oꝛion·
da v̾boꝛgen
wibes bilde zů zim dꝛank·
durh minnē lon·
frǒwe here·
ia ſult ir wachen·
ich ſihe deſ nahtes krefte balde ſwachē·
in ſinge niht mere·
Wahter ſchǒwe·
ſpꝛach dc mīnekliche wib·
ob der leide tag vf gê·
er ſpꝛach frǒwe
ſwer wol ſoldet mir den lip·
ſwenne es taget ich ſinge iv me·
iſt der ritter·
hie inne frǒwe
v̾mide ich danne miner ǒgen ſchǒwe·
ſo wirt úwer froͤde bitter·
Hohem ſolde·
warte mir geſelle min·
ſpꝛach dv frǒwe wol getan·
dc min holdē·
lange bi mir mvge ſin·
den ich vmbevangē han·
wahter liebe·
hilf mir in friſten·
mit dinen klv̊gen wol v̾holnen liſten·
wirt ſant mir zeinē diebe·