Frowe ich rede es mit úwern huldē·
ſit ich úch alrerſt ſach·
ine weis vō welhē ſchuldē·
lide ich vil gros vngemach·
dc mir vō gedanken ſo we nie geſchach·
wies mir ſolte ergan
vō der liebe die ich han·
gegen iv frowē d̾ mag ich niht lan·
Von úwern ǒgen dur dú minú·
gie mir in dc h̾ze min·
ein ſo wūneklich̾ ſchine·
d̾ mv̊s iem̾ dꝛīne ſin·
ine geſach nie vō wibe ſo gvͤtlichē ſchin·
vn̄ ir gvͤte dabi·
ſit dis alles da ſi·
frowe genade ſo la mich vꝛi·
Niemā kan es ú verkerin·
bin ich v̾wer eigē man·
es ſtat wol nach úwern erē·
ob ich iv wol heiles gan·
vn̄ ich iv wol g̾ne diene ſo ich beſte kan·
ob ich das tv̊·
beide ſpate vn̄ frů·
gegē iv frowe da hoͤꝛet genade zv̊·