Es ſint manger hande doͤne·
die da liebent gv̊ten mv̊t·
dar vs ich ir einē kroͤne·
der dem h̾zen ſanfte tůt·
mīneklichú rede iſt gv̊t·
vō den reinē wibē ſchoͤne·
die tv̊nt ſendú h̾zen frůt·
Mir tůt baſ in minē ǒgen·
gvͤtú wib dāne anders iht·
weder offenbar noch tǒgen·
nieman beſſer wūne ſiht·
min h̾ze allen wibē giht·
es ſi war vn̄ ane lôgen·
niemer ſi ſo gv̊teſ niht·
Wib sint gv̊t in mangē endē·
ſchoͤne vn̄ da bi tvgendē vol·
es begreif nieman mit henden·
dc dem h̾zen tv̊ ſo wol·
ſwer ein gv̊t wib trůren ſol·
der kan beſſers niht v̾enden·
mīne git da ſvͤſſen zol·