Es iſt mir ein ringú klage·
dc ich ſi ſo ſelten ſihe·
der ich alle mine tage·
gv̊teſ iach vn̄ iemer gihe·
mir iſt niender and̾swa·
wirs danne da·
mime libe get zena·
ich en moͤhte erw̾ben dc·
das ſi alſo ſehe·
dc ſi min zefrúnde v̾iehe·
mir tv̊t ir froͤmeden anders bas·
Gv̊ter wibe ſelekeit·
froͤite noch dc herze min·
niemā iſt in bas gereit·
das ſol lange ſtete ſin·
ich wil ir lieb mit liebe tragen·
ze minen tagē·
vn̄ ir leit mit leide klagē·
niemā ſol ir lobes gedagen·
ſwc wir rehtes w̾ben·
vn̄ dc wir man noh nien v̾derben·
des ſvln wir in genade ſagē·