Es iſt gar vnmaſſē lang·
dc ich niht vō liebe ſang·
ich habe vndank·
ſo mir wirt ein vmbevang·
vō ir liehtē armen blank·
min ſoꝛge iſt kranc·
wanne ſol ich gelebē die liebē ſtūde·
niemā kvnde
mich getroͤſtē bas·
danne dú der ich da nie v̾gaſ·
nv wiſſēt dc·
ſwc iemā tůt·
ich hā dē mv̊t·
Mī h̾ze iſt da·
niht and̾ſwa·
Ach wie mich ſúftē tůt·
din mvnt rot alſam ein blůt·
dē minē mv̊t·
dú biſt alſe rehte gv̊t·
vn̄ mit ſtete wol behv̊t·
voꝛ valſches flůt·
frôwe ioch bin· ich dienſtlich gar· din eigē·
frǒwe dú kanſt neigē·
mir h̾ze vn̄ ſin·
ſchǒwe wie gar ich din eigē bin·
ich mag niht bc
wā wiſſēt dc·
Min h̾ze iſt da·
niht and̾ſwa·
Liebes lieb dir ſi bekāt·
ſit dich erſt mī ǒge vant·
din wiſſú hant·
leit an mich ein volgebant·
dc beſchach mir ſa zehant·
deſ wiſ gemāt·
mīne diſ bāt· ſtet gar ī din̾ hende·
niemā wēde·
mich gelǒbēt mir·
ſinne mī lip vn̄ deſ h̾zē gir·
die volgēt dir·
wc ſol des me·
ſwieſ mir erge·
Min h̾ze iſt da·
niht and̾ſwa·