Eins meien morgens frů·
wc ich vf gestan·
in ein schoͤns bǒngartegin·
solde ich spiln gan·
da vant ich drîe ivncfrǒwen stan·
si waren so wolgetan·
dú eine sang fúr dv́ ander sang na·
harba lori fa· harba harba lori fa· harba lori fa·
Do ich ersach das schone krut·
in dem bǒngartegin·
vnd ich erhorde dc svͤsse gelvt·
von den megden fin·
do verblide dc herze min·
das ich mv̊ste singen na·
Harba lori fa· harba harba lori fa· harba lori fa·
Do grůste ich die aller schoͤnsten·
dú dar vnder stůnt·
ich lies min arme alvmbe gan·
do zer selben stunt·
ich wolde si kússen an irn mvnt·
Si sprach lat stan lat stan lat stan·
Harba lori fa· harba harba lori fa· harba lori fa·