Ein wolf vil iemerlichen sprach·
wa sol ich nv beliben·
sid ich dvr mines libes nar·
můs wesen in der âchte·
dar zv̊ so bin ich geborn· dv́ schult dv́n ist nicht min·
vil manig man hat gůt gemach·
den man sicht valscheit triben·
vnd gůt gewinnen offenbar·
mir súndeklicher trachte·
der tv̊t wirser vil dann ob ich· nem ein genselin·
ion hab ich nicht des goldes rot
ze genne vmb mine spise·
des můs ich rǒben vf den lib durch hvngers not·
der valsch in siner wise·
schedelicher vil dann ich· vnd wil vn schuldig sin·