Ein wolf vil iemerlichen ſpꝛach·
wa ſol ich nv beliben·
ſid ich dvr mines libes nar·
můs weſen in der âchte·
dar zv̊ ſo bin ich geboꝛn· dv́ ſchult dv́n iſt nicht min·
vil manig man hat gůt gemach·
den man ſicht valſcheit triben·
vn̄ gůt gewinnen offenbar·
mir ſúndeklich̾ trachte·
der tv̊t wirſer vil dann ob ich· nem ein genſelin·
ion hab ich nicht des goldes rot
ze gēne vmb mine ſpiſe·
des můs ich rǒben vf den lib durch hvngers not·
d̾ valſch in ſin̾ wiſe·
ſchedelich̾ vil dann ich· vn̄ wil vn ſchuldig ſin·