Der w̾lte voget des himels kúnig ich lob úch gerne·
dc ir mich hant erlan dc ich niht lerne·
wie dirre vn̄ d̾ an froͤmd̾ ſtat ze minē ſange ſcherne·
min meiſt̾ claget ſo ſere vō d̾ vogelweide
in twinge dc in twinge ienſ dc in noch betwang·
dē lant ſú bi ſo rich̾ kvnſt an habe ze krank·
dc ich mich kvme vf ir genade vō dē minē ſcheide·
ſvſt heiſſe ich wirt vn̄ rite hein da iſt mir niht we·
da ſinge ich vō d̾ heide vn̄ vō dē gruͤnē kle·
dc ſolt dv ſtetē milter got dc es mir iht zerge·