Der ſcharle hat dꝛú ſpil fúrpflicht·
ſwer der keins verlúret· des leben iſt ein wiht·
es gilt den lip vn̄ anders niht·
des wil das lant cecilie bv́rge ſin·
das erſte ſpil iſt buf genant·
das verloꝛ der pꝛinz er brach die bvnde ſa zehant·
des gab er leben vn̄ lant·
das ander ſpil verlos kv́nig kv̊nradin
das heiſet wol von hǒbt ǒwe·
wan das verklagt er niemer me·
ze dem dꝛitten ſpil ſo iſt kv́nig 293v Rv̊dolf nit ze gâch·
es mag wol heiſſen hakka nach·
ich wên der ſcharl kv̄ne es ime zevil·
Ich bin an minnen woꝛden las·
dar vmbe tragent ſchone frǒwe mir ir has·
nv tete ich gerne vn̄ moͤhte ich bas·
den willen het ich an dem h̾zen wol·
nv hab ich einen frv́nt der lît·
die wile der ſtv̊nt do hat ich niht der frǒwen nît·
nv lat er mich ze vnrehter zît·
er ſtilt ſich ein halb abe ſo er vehten ſol·
ſin hoher mv̊t der iſt gelegen·
er wil ǒch nit me ſin ein degen·
moͤchte ich nv win vn̄ gv̊te ſpiſe han·
ſo wolt ich doch nit abe lan·
ich ſvnge eī liet der lieben frǒwen min·