Der mir gebe ſinē rat·
kvnde ich deheinē der iſt mir benomē·
ſit mich min ſpꝛechē niht v̾uat·
noch min ſwigē wie ſol ich das vberkomē·
nein vn̄ niht dc vinde ich da·
ſo ſv̊che aber ich dc ſi da hat·
v̾boꝛgē das vil ſvͤſſe woꝛt geheiſſē ia·
Swem vō gv̊ten wibē lieb geſchiht·
d̾ hat aller ſelde wol den beſten teil·
wa geſach ie man ſo gůtes iht·
an in lît d̾ w̾lte wūne vn̄ ǒch ir heil·
wol im er iſt ein ſelig man·
der wol an in erwirbet pfliht·
der froͤiden der ir gvͤte wund̾ geben kan·