Der karge riche vert vō hus·
in purpur vn̄ in býſſe·
des wenet er dc er niht miſſe·
glanzer w̾dekeit·
dvr ſin liehteb̾ndeſ kleit·
ſon hilfet wat fúr laſter niht·
er buwet als ein fledermvs·
d̾ ſchandē vinſt̾niſſe·
dú nahtes flúget vil gewiſſe·
da man hat geleit·
ein fv̂len ronen bꝛeit·
dē ſi fúr liehten glanz erſiht·
ſo nimt dv́ tvmbe·
krumbe· trúwe fúr warē ſchin·
ir geliche mac wol ſin·
der karge tvgende blôſſe·
der wenet dc ich im genoſſe·
lop ſchone vn̄ fin·
nein er hat alſam ein ſwin·
zetruͤber ſchandē pfůlle pfliht·