Der ich diene vn̄ al da her gedientet han·
ſit ich vō kinde alrerſt dienē kvnde·
dú iſt ſo lieb ſo gv̊t vn̄ ǒch ſo wolgetan·
dc mā dē allen niht geliches vūde·
ſi liebet ſich vō tage zetage·
deſt ir ſitte d̾ ich ſo holdes h̾ze trage·
dc ſi ſo ſvͤzer ſvͤze went·
dc mā ſich noͤte nach ſo ſvͤzer liebe ſent·
Dehte ich iem̾ ine v̾dehte ir guͤte niht·
die mā an d̾ vil mīneklichē vindet·
er mv̊s lachē ſwer ir vnd̾ ǒgen ſiht·
deſ ſi ſich nach ir ſeldē vnd̾windet·
dē tút ſi froͤide vn̄ ere ſchin·
wol mich deſ ſo ſelig iſt dú frowe min·
dē ſi mit liebe froͤiden wert·
dē git ſi froͤidē ſwc er ir zerw̾lte gert·
Was div w̾de mīneklich̾ froͤide git·
dē d̾ ſi nach ir w̾de kan geminnen·
da bi vil der mīneklichē froͤide lit·
dc ſich des niemā zende kan v̾ſinnē·
wie kv̄de ich iem̾ w̾den hohgemv̊t·
an ir troſt wā ſi ſo gar nach wunſche tv̊t·
dvr daſ han ich mich ir ergebē·
wā ſi ſo wol geliebē kan dē man ſin leben·