Das ich dich ſo ſeltē gruͤſſe·
dc iſt an allen argē miſſetat·
ich wil wol das zúrnen mvͤſſe·
lieb mit liebe ſwas von frúndes herzen gat·
trurē vn̄ weſē fro·
ſanfte zúrnē ſere ſvͤnen das der minne reht dú h̾zeliebe wil alſo·
Dv ſolt eine rede v̾midē·
frowe deſ getruwe ich dinen zúhtē wol·
teteſt dvs ich woldes niden·
als die argē ſpꝛechent da man lonē ſol·
hete er ſelde ich tete im gv̊t·
er iſt ſelbe vnſelich ſwer dc ſpꝛichet noch der werke niht entůt·