Das ich dich ſelden grvͤze·
frǒwe das iſt ane alle mine miſſetât·
ich wil das wol zúrnen mvͤze·
liep mit liebe ſwa es von frv́ndes herzen gat·
nit entrvre dv wis vꝛo·
ſenfte dirnen ſere ſvnen· das iſt der mīnen zeichen·
dv́ herze liebe wil alſo·
Ich geſach nie tage ſlichen·
ſo die mine tv̊nt ich warte in alles nach·
wiſſe ich war ſi wolten ſtrichen·
mich nimt iemer wnder wes in ſi ſo gach·
ſi mvgen zv̊ dem komen der ir nit ſo ſchone phliget·
ſo la ſi denne ſchinen ob ſi wiſſen weme·
Dv ſolt eine rede vermiden·
frǒwe das gezimet den dinen wol·
ſpꝛeches dvs ich woltes miden·
das die boͤſen ſpꝛechen ſo man lonen ſol·
het er ſelde ich tete im gv̊t·
er iſt ſelbe vnſelig der das gern ſpꝛichet vn̄ niemer der geliche tv̊t·