Als ich ſtan vn̄ denke wa ich ſi hab geſehen·
dú minē h̾zen hat geſiget an voꝛ manigē iaren·
ſo iſt mir mit gedanken alſo wol geſchē·
ſwēne ich ſi ſehen 189r ſol die reinen mīneklichen claren·
ſo denke ich her ſo denke ich hin·
ſo denke ich iemer an die reinē ſvͤſſen mīnenklichē·
deſ wirde ich dike gar ane ſin·
ſwēne ich ſi ſehen ſol als einen engel fúr mich ſlichē·
wol mich dc ich ſi ie ſo ſchone han geſehen·
ſi iſt min tac min moꝛgē rot min ſv̄nen bꝛehen·
min meien zit vn̄ alles das mir froͤide birt·
ei wol mich wart wol iemer wol· wol mich ob mir dú ſchone wirt·