Achten wie ir minneklicher lib·
an genade mich verderbet so·
wa gesach ie man bescheiden wib·
dú also lange ir diener liesse vnvro·
als mich dú herze liebe frowe min·
tů si mir we tů si mir wol
ich wil eht iemer in ir dienste vnz vf min ende sin·
Minne dú hast mich vberkomen·
gewalteklih gen der frowen min·
dú hast mir froͤide vnd hohen mv̊t benomen·
sol ich iemer in dien banden sin·
da ist dú herceliebe vnschuldig an·
sin weis niht minne diner sitte·
da von dú liebe miner swere niht erkennen kan·