Achtē wie ir mīneklich̾ lib·
an genade mich v̾derbet ſo·
wa geſach ie man beſcheidē wib·
dú alſo lange ir diener lieſſe vnvꝛo·
als mich dú h̾ze liebe frowe min·
tů ſi mir we tů ſi mir wol
ich wil eht iem̾ in ir dienſte vnz vf min ende ſin·
Minne dú haſt mich vb̾komē·
gewalteklih gen der frowē min·
dú haſt mir froͤide vn̄ hohē mv̊t benomē·
ſol ich iem̾ in dien bandē ſin·
da iſt dú h̾celiebe vnſchuldig an·
ſin weis niht mīne diner ſitte·
da vō dú liebe min̾ ſwere niht erkēnen kan·