Благословенна Слава, боголепна
И сила Твоя есть великолепна,
Отче небесный и предвечный Царю,
Свыше воссияй Твоих ми луч зарю.
Зари Троичныя Свет Богоначальный,
Вина безвинна Ты зрак преначальный,
Образе Отч Первобожественный,
Вообрази мя, молю Тя аз бренный.
Созижди сердце во мне, Боже, чисто,
Имя велие имый и пречисто,
Иже Бог еси, Бог неописанный,
Носяй невидим зрак неначертанный.
Падша восстави, яко благ помощник,
Крепок и силен силам Сый источник.
Един предобрый, благий, незлобивый,
Отче всещедрый и душелюбивый.