(PL 72 0052C)
Non hic auratis ornantur prandia fulcris:
Assyrius murex nec tibi sigma dedit.
Nec per multiplices abaco splendente cavernas,
Ponentur nitidae codicis arte dapes.
Nec scyphus hic dabitur, rutilo cui forte metallo
Crustatum stringat tortilis ansa latus.
Vina mihi non sunt Gazetica, Chia, Falerna,
Quaeque Sarapteno palmite missa bibas.
Sed quidquid tenuis non complet copia mensae,
Suppleat hoc petimus gratia plena tibi.