Perparvam partem postulat Plautus loci
de vestris magnis atque amoenis moenibus,
Athenas quo sine architectis conferat.
Quid nunc? Daturin estis an non? Adnuont.
Scio rem quidem urbis me ablaturum sine mora;5prologus.0.5
quid si de vostro quippiam orem? Abnuont.
Eu hercle in vobis resident mores pristini,
ad denegandum ut celeri lingua utamini.
Sed hoc agamus qua huc ventumst gratia.
Athenis mutabo ita ut hoc est proscaenium10prologus.0.10
tantisper dum transigimus hanc comoediam.
Hic habitat mulier, nomen cui est Phronesium;
haec huius saecli mores in se possidet:
numquam ab amatore [suo] postulat id quod datumst,
sed relicuom dat operam ne sit relicuom,15prologus.0.15
poscendo atque auferendo, ut mos est mulierum;
nam omnes id faciunt, cum se amari intellegunt.
<nowiki>* * *</nowiki>17a
ea se peperisse puerum simulat militi,
quo citius rem ab eo averrat cum pulvisculo.prologus.0.20
Quid multa? †stuic superet muliere20
†hiscum anima ad eum habenti erce teritur.
<nowiki>* * *</nowiki>21a