(v.1.p.296)
NEC nostros reticebo cibos, quos priscus habet mos,
inritamentum quibus additur aequoreum sal.
communis pecorique olim cibus atque homini glans,
ante equidem campis quam spicea suppeteret frux.
5mox ador atque adoris de polline pultificum far,
instruxit mensas quo quondam Romulidum plebs,
hinc cibus, hinc potus, cum dilueretur aqua puls,
est inter fruges morsu piper aequiperans git,
et Pelusiaco de semine plana, teres lens,
10et duplici defensa putamine quinquegenus nux, (v.1.p.298)
quodque cibo et potu placitum, labor acer apum, mel:
naturae liquor iste novae, cui summa natat faex.