Hactent irrigui vireta agelli
Rosas purpureas, vel ipsa guttis
Fraga sanguineis rubentiora.
Iactent oceani sinus latentem
Muricem, rutilo cruore lanas
Aptum tingere sericosque amictus.
Ostentet roseas comas olympus
Aurorae, nitidum diem ferentis.
Sed Te, promerito micantem in ostro,
Quod Tibi ipse sua induit supremus
Dextera Pater, usque praedicabunt,
Orae Flaminiae, Auximique colles
Nam licet tua tam modesta virtus,
Ceu concha oceano latens in imo,
Declinare oculos velit tuentum:
Tamen nectareo rosas odore
Vincitque ambrosio sapore fraga;
Auroramque imitata luce día
Mentes axhilarat, viamque monstrat
Qua datur superas adire sedes.