Poetósfera › La Biblioteca › Hildegardis Bingensis
Hildegardis Bingensis · Medieval
latín
O lucidissima apostolorum turba,
surgens in vera agnitione,
et aperiens clausuram
magisterii diaboli,
abluendo captivos
in fonte viventis aque,
tu es clarissima lux
in nigerrimis tenebris,
fortissimumque genus columnarum,
sponsam Agni sustentans
in omnibus ornamentis ipsius:
per cuius gaudium
ipsa mater et virgo est vexillata.
Agnus enim immaculatus est
sponsus ipsius sponse immaculate.
← Sequentiae — O clarissima MaterSequentiae — O pulchre facies →
ws-la-sequentiae-o-lucidissima-apostolorum-turba--hildegardis-bingensis-6a110cLas obras de dominio público se reproducen íntegras, con atribución y en la ortografía de su impreso. ¿Ves una errata o conoces una fuente mejor? Escríbenos desde Sobre la casa.