Dum facio trepidis haud grata pericula, Iane,
discipulis, temptans mollia corda metu,
600 saepius avertit se mens patriamque revisit
atque amnis patrii flumina parva mei.
Qui nemora et colles queis fecit Gratia nomen
incolis, o nostri dux gregis, atque metis,
nostri vive memor qui tristia ducimus, oti
605 florentes studiis vel minime, exilia.
Sic proprio quam educis agro te protegat umbra
vitis, et hospitibus pocula laeta ferat.