Hic ubi triste Chaos quondam crassaeque tenebrae,
Cum blattis tineae barbariesque fuit,
Aera per medium pendebat aranea filo
Et foedum visu, et nil nisi squalor erat,
Aurea resplendet nunc trabs, pictumque lacunar, 5
Luce nova illustris bibliotheca nitet.
Conspicui et varii pulchro stant ordine libri,
Disposita in classes quaeque Camaena suas.
Reddita Musa sibi est Bodleio praeside, fiunt
Deliciae populi quae fuerant domini. 10