Quid sibi vult tantus rumor laetusque susurrus?
Unde plataea novo quaelibet igne micat?
Nascitur Augustus puer. At sic quilibet annus
Iatavit, regem quaelibet ora tenet.
Sed rex quotidie non nascitur: aurea proles, 5
Augustus princeps nascitur (Angle) tibi.
Angle, tibi nata est soli Iunonia proles,
Atque novum sydus fulget in orbe tuo.
Ergo laeteris fausto, Britannia, partu,
Aeternum hoc sydus splendeat orbe precor. 10
Innumera innumeris cumulentur gaudia saeclis,
Succrescantque tuis Florida deliciis.
ROB. BURTON, S. T. B. EX AEDE CHRISTI